凸

點解你地一定要甘樣對我
有時候我真系想做貓好過
你講得冇錯
我同只貓講野仲好過同你地講野啊
因為貓唔會乜嘢都鬧我
唔會屈我啊
更加唔會重男輕女

我想問你
如果你唔鍾意女仔
點解你要生我出來啊
點解你唔落左我啊
個時候
我做貓做狗做乞丐
可能都開心過以家啊

我成日忍到半夜
哭住來打部落為左D乜嘢啊
為左你地睇度
會對我好D啊
唔系啊
我系想你地答我
究竟我在你地心目中系唔系一條蟲都不如啊

你成日同我講
話生做你既女
有幾好幾好

我要既野唔系錢啊
我要感情啊
我要你地真正關心我啊
次次我出街
你地就只是擔心我俾人捉
成日話吃鹽多過我吃米
我識個D就全部都系衰人
阿哥識個D就全部都系乖人
因為點解
因為阿哥讀好班
我讀差班
讀差班識差人系唔系

我唔開心
我哭既時候
我寧願你地唔好出聲哄我
我都唔想聽都個句野
咸乜嘢
我未死
等我死左先咸啦

我聽到以句野既時候
我可以講乜嘢啊
我乜嘢都唔想講啊
我個心好似停左心跳甘樣

唔系次次
你地鬧完我之後
買D野來補償返俾我
我就會開心嘎

阿媽
你成日話
我搖下屁股
就知道我要乜嘢
甘你以家知唔知我要乜嘢啊

你有唔有想過
當你鬧完我之後
我發洩講出來個D野都系晦氣話啊
但系你鬧我鬧的仲犀利

我以家真系一百萬個唔開心
我好討厭我生在依個家庭

我好唔開心啊！